23 Jun 2013
耶穌說：你來吧。彼得就從船上下去，在水面上走，要到耶穌那裡去； 只因見風甚大，就害怕，將要沉下去，便喊著說：主啊，救我！
--- 馬太14：29-30
專心仰望主，壯膽向前走，憑著信心跟隨祂。
專心仰望主，壯膽向前走，憑著信心跟隨祂。
Wedding: 奇華餅咭
屋企人一致覺得奇華比較好，同埋新出的熊貓嫁喜禮券真係好得意， 所以好快就決定餅咭買奇華。 上網查過，發現 喺 Expo買應該真係最平，每張打8折。 不過佢無美心，東海堂或聖安娜喺Expo咁多優惠。 奇華無話你買多啲，再俾多啲折你，又或者送多張俾你。 奇華熊貓嫁喜禮券連信封。 信封都 有 一對大熊貓，好得意。 如果唔係印左奇華個logo，我覺得做利是封都幾好！ 留意番奇華熊貓餅咭的size同美心、東海堂、 連同自己其他奇華餅咭的size都唔同，係比較短身， 大約15cm長。所以印帖買信封要注意。 仲有千其要keep單，因為你唔夠餅咭信封可以去門市攞， 另外就係你可以憑單去門市攞一個硬身禮金盒。 不過建議你打去門市問左先，唔係間間門市都有貨。 禮金盒質地唔錯，好硬身，紅面金邊，size 34.5x18.5cm, 可以放到大約200張熊貓餅咭。 仲送你3個size的禮金信封連貼紙，我覺得免費的話， 真係好okay！ 因為我只 喺 請親戚，父母的朋友一個都無請， 所以準備左比較多餅咭俾父母派。我覺得淨係派餅咭， 乜都無連寫隻字都無，好似唔係好好， 所以去左文具店買左conqueror金色咭紙，印番幾個字， 放入餅咭信封。 我用office word簡單design左layout，金底 配 紅字。 自己覺得用4個字4個字咁排好似得體啲。紅色用左 firebrick: rgb(178,34,34) 。laser print 印出嚟都幾好睇！😊
Comments
Post a Comment